NORMALIZACIÓN LINGÜÍSTICA: 2012

lunes, 10 de diciembre de 2012

O MENIÑO QUE CHORABA

Nun portal moi escuro

había un boi que rumiaba,

unha mula moi peluda

e un Meniño que choraba.

Súa Nai con gran mimo

panxoliñas lle cantaba

para intentar que durmira

o Meniño que choraba.

"Durme meu Meniño durme

ata que chegue a luz da alba

que teñas soños fermosos

de príncipes e de fadas ".

Con tanto amor e cariño

a Virxe lle susurraba

que en pouco tempo adormeceu

o Meniño que choraba.

O neno Xesús

O neno Xesús
ten moita famiña
dámoslle carne de galiña.

O neno Xesús
ten moito frío
dámoslle un caldiño.

O neno Xesús
está un poquiño triste
cantámoslle vilancicos
e dámoslle moitos bicos.

Nun portal moi escuro
había un boi que rumiaba,
unha mula moi peluda
e un Meniño que choraba.

Súa Nai con gran mimo
panxoliñas lle cantaba
para intentar que durmira
o Meniño que choraba.

"Durme meu Meniño durme"

¿Sabes que é o Nadal?

O Nadal non é Papá Noel
aunque che traiga un lápiz e un papel.
O Nadal non son as panxoliñas
aunque sexan todas bonitiñas.
O Nadal non son os doces
aunque mo digas con cen voces.
O Nadal non son os adornos
aunque sexan todos moi fermosos.

¿Sabes que é o Nadal? Amiguiño

O NADAL

Sentadiña
o pé do lume
   vendo as lapas relustrar,
asi atopei o meniño ;
¡por fín chegou o Nadal!       Tente quedo,
non te movas,
non te volvas a marchar
que estamos fartos de todo,
que estamos faltos de PAZ.

O PAPA NOEL LARPEIRO

O Papa Noel larpeiro

no ceo mais alto está.

Subido no seu trineo

e non ten trazas de baixar!

Está come que te come

nos doces do Nadal.

O Papa Noel larpeiro

sen xoguetes non ha deixar.

O Papa Noel lambón

comeu tódo-los bombóns.

Coa enchenta que pillou

o barrigón estopou!

-Ai,home: como vas facer

coa enchenta que pillaches,

os xoguetes ós nenos e nenas,

non poderás levar.

pois pola chimenea non poderás entrar!

UN NADAL DE CONTO

Os personaxes dos contos

para festexa-lo Nadal,

fixeron entre todos

un Belén espectacular.

Brancaneves fixo de Virxe

e o Príncipe de San Xosé.

¿Quen podía facer o Neno?

Pulgariño, que é pequeno.

Carrapuchiña Vermella

coa súa avoa e o cazador,

levaba unha cesta chea

de ovos, mel e arroz.

De anxo fixo Pinocho,

que agora xa non mentía,

o seu lado Pepito Grillo

unha estrela parecía.

Faltaban os tres Magos

para trae-los regalos,

convertiríanse en raíñas

as tres fadas madriñas

O ogro, a bruxa e o lobo

non quixeron se-los malos

e todos eles xuntos

panxoliñas cantaron.

O Belén xa está listo,

cada un no seu lugar,

agora eu me despido

desexándovos ¡¡Bo Nadal!!

NADAL COS AVÓS

En familia, todos xuntos,

na cea de Noiteboa

celebramos o Nadal

ó lado do avó e da avoa.

Ceamos cousas moi ricas

e cantamos panxoliñas

pero o que máis nos importa

é alegrar as súas cariñas.

Están ledos os avós

vendo xunta a súa familia.

Todos os queremos moito

éles por nós dan a vida.

Temos que dar ós maiores,

nestas datas de cariño

o amor que eles nos deron

¡hai que ser agradecidos!

AS DOCE ESTÁN DANDO

As doce están dando

e o neno chorando.

A Virxe María

o está consolando.

Encende o cadil

San Xosé, que vela,

e mira quen anda

pola cabeceira.

Os anxos son,

que van a cabalo

e collen o Neno,

envolto nun pano.

-¿De quen é o Neno,

-De Santa María.

-¿Onde está María

-Buscando as chaves

para abrir o ceo,

pola camisiña

de punto real

desde Neno pequeno

que está no portal.

DIN,DON,DAN

Din,don,dan,
é a noite do Nadal
¡ qué ben o imos pasar !

Din,don,dan,
a familia no fogar
imos xuntos a cear.

Din,don,dan,
imos todos celebrar
que o Neno naceu xa.

Din,don,dan,
imos todos a tomar
turrón e o mazapán.

UN SOÑO

Eu dormindo estaba

e un anxo chegou

e dixome baixiño:

corre ó salón.

Alí me esperaban

María e Xóse

os reises,os paxes

e o neno tamen.

-Quedeime asustada

e sen me mover,

maría e Xosé dixeronme:

¡ ven!

Biquei o meniño

e o acariciei,

voltei ó meu cuarto

e me despertei.

CONTOS DO NADAL

Unha estrela fugaz

Saliu en busca de paz .

a pasar o neno xesùs

Abriu a ventà e deulle un achùs.

Colleu ò neno e pùxoo ben enmantado

E a virxe maria fixolle leite requeimado.

Tempo tan frío,tempo de inverno e tempo de paz

Este catarro o neno por ver unha estrela fugaz.

SOÑOS DE NADAL

Soña o ceo,

soña a estrela,

soña o vento

e soña o mar.

Todos soñan co nadal.

Soña o neno que ten frío,

soña a nai que non ten lá.

Soña a neve que caera

o outro día polo chan.

E todos soñan e soñan

qué regalos traerán

os Tres que sempre soñaron

os Tres que pronto virán.

Para o neno unha chaqueta,

unha chaqueta de lá.

Para o ceo unha estrela

e para o vento e o mar.

RECURSOS PARA O NADAL

RECURSOS NADAL

Esta é a nosa páxina de recursos para o Nadal . Premendo sobre a imaxe toparedes mil cousas relacionadas coas festas que xa veñen: xogos, manualidades, contos, música, láminas para colorear, información de como se celebra en diferentes culturas.... unha xoia! Esperamos que de verdade sirva para pasalo ben, ben, ben!